Житие и сказания о чудесах преподобных Иулиании и Евпраксии Зачатиевских
МОЛИТВА
ко преподобным игумении Иулиании и монахине Евпраксии Зачатиевским
О преподобнии Иулиание и Евпраксие, аще и скончали свое временное житие, но духом своим не отступайте от места сего святаго.
Молим вы, имея дерзновение ко Всемилостивому Спасу и Пречистой Его Матери, принесите к Престолу Царя всех наши недостойныя и грешныя моления о скорбях, нуждах и напастях наших; не оставьте вашею помощию.
Укрепите нас шествовать по стезям заповедей Господних и безропотно нести крест свой до конца. Сохраните нас от врагов видимых и невидимых.
Даруйте нам христианскую кончину и на Страшном суде Христовом явитесь нашими заступницами и ходатаицами. Да вашими молитвами соблюдаеми и сохраняеми пребудем, славяще Святую Троицу Отца и Сына и Святаго Духа. Аминь.
Тропарь, глас 1
Христу Жениху уневеститеся возжелавшия/ и подвиги иноческия Того ради понесшия,/ добродетельным житием и любовию ко всем/ себе украсившия, преподобныя Иулиание и Евпраксие./ Во граде Москве первыя обители девическия/ устроительницы явистеся/ и трудов и подвигов брата вашего святителя Алексия/ ревнительницы показастеся./ Сего ради, ныне на Небесех вкупе с ним торжествующе,/ молите граду Москве в Православии утвердитися,/ обители вашей сохранитися/ и спастися душам нашим.
Кондак, глас 2
Что вас наречем, богомудрыя Иулиание и Евпраксие?/ Немощный сосуд естеством,/ но подвиги и труды мужески понесосте;/ преподобныя жены,/ но славы отцев воистину сподобистеся;/ от земных рода благаго,/ но Небеснаго отечества достигосте./ Молите усердно Владыку Христа спастися душам нашим.
Величание
Ублажаем вас, преподобнии Иулиание и Евпраксие, и чтим святую память вашу, наставницы монахов и собеседницы Ангелов.
Страница
4 - 4 из 4
Начало
|
Пред.
|
1
2
3
4
|
След. | Конец
| Все
Источник:
Патриархия.ru