Договорная грамота Новгорода Великого о мире в Яжелбицах. 1456 г.
К середине XV в. новгородцы находились меж нескольких огней: на Новгород претендовали великий князь литовский Казимир, тверской и московский великие князья. В междоусобной войне 1425–1453 гг. великого князя Московского Василия II Васильевича Темного со своим дядей Юрием Дмитриевичем Звенигородским и его сыновьями Василием Косым и Дмитрием Шемякой, новгородцы поддержали Дмитрия Шемяку, заключившего с Новгородом мир “на всех старинах”. Именно в Новгороде Дмитрий Шемяка скрывался после победы Василия Васильевича, именно здесь он умер от отравления и был похоронен. Понятно, что подобная политика новгородцев вызвала неизбежную реакцию со стороны великого князя Московского – в 1456 г. Василий II устроил поход на Новгород Великий. В первой же битве княжеское войско одержало сокрушительную победу над новгородским ополчением; и вече Новгорода приняло решение просить мира. Новгороду пришлось пойти на уступки, однако это были уступки относительно независимого государства. Договор был заключен в селе Яжелбицы под Новгородом. Текст печатается по изд.: Грамоты Великого Новгорода и Пскова. М., 1949. №22. С. 39–41.
Грамота новгородская
По благословению преосвященнаго архиепископа Великаго Новагорода и Пьскова владыки Еуфимиа, от посадника ноугородского Ивана Лукиничя, от тысетского ноугородского Василиа Пантеевичя, и от всего Великого Новагорода.
Се приехали послове к великому князю Василию Василиевичю всея Руси и к великому князю Ивану Василиевичю всея Руси (1) от Великого Новагорода посадник ноугородскыи Григореи Даниловичь, посадник ноугородскыи Федор Яковличь, посадник ноугородскыи Василеи Степановичь, тысятскои ноугородскыи Яков Ивановичь, тысятскыи ноугородскыи Василеи Пантелеевичь, а от житьих Офонас Микуличь, Иван Юриевичь, Яков Ивановичь, Еремеи Кузмичь, Василеи Захарьиничь и докончали мир по крестным грамотам со князем с великим с Василием с Василиевичем и со князем великим Иваном Василиевичем.
Как целовал князь великыи Ондреи и князь великыи Иван (2), и князь великыи Семен (3), и прадед твои князь великыи Иван (4), и дед твои князь великыи Дмитрии (5), и отец твои князь великыи Василеи, целуи, господине князь великыи Василеи Василиевичь и князь великыи Иван Василиевичь, по тому же крест ко всему Великому Ноугороду. Новъгород держати вам в старине, по пошлине, без обиды; а нам, мужем ноугородцем, княжение ваше держати честно и грозно, без обиды. А пошлин ваших, князеи великих, не таити, по целованию. А что волостеи ноугородцких всех, вам не держати своими мужи, держати мужи ноугородцкими, и дар имати от тех волостеи. А без посадника вам, князи, суда не судити, ни волостеи роздавати, ни грамот давати. А что вам пошлина в Торжку и на Волоце: тиун свои держати на своеи части, а ноугородцом на своеи части. А в Бежыцах вам, князи великыи, ни вашим княгиням, ни вашим бояром, ни вашим слугам сел не держати, не купити, ни даром не приимати, по всеи волости Ноугородцои.
А се вы волости ноугородцкие: Волок со всеми волостьми, Торжок, Бежици, Городець Палець, Шипино, Мелеца, Егна, Заволочье, Тирь, Пермь, Печера, Югра, Вологда. А в Русу вам, князи, ездити на третию зиму. А лете ездити на Взвад звери гонити. А в Ладогу вам слати осетреникы и медовары, по старым грамотам по крестным. А в Ладогу вам, князи, ездити на третиее лето. А из Бежиць вам, князи, не выводити людеи в свою волость, ни из ыных волостеи ноугородцкых, ни грамот давати, ни закладнеи ни держати, ни приимати, ни вашим княгиням, ни вашим бояром, ни купчины. А без вины вам, князи, мужа волости не лишити, ни грамот не посужати. А пожни, князи, ваши и ваших мужеи, то ваши и ваших мужеи; а что пожни нойгородскыи, а то к Ноугороду, как пошло. А дворяном вашим, как пошло, погон имати: от князя по пяти кун, а от тиуна по две куны. А что мыть по Суздалскои земле в вашеи волости: от воза имати по две векши, и от лодьи, и от хмелна короба, и ото лняна. А дворяном вашим у купцов повоза не имати, разве ратные вести. А слобод и сел, князи великии, съступилися Великому Ноугороду; на Ноугородскои земле сел не ставити. А на Имоволожском погосте куны имати. А холоп или роба иметь на господу вадити (6), тому вам веры не няти. Ни на Низу (7) ноугородца не судити, ни дани роздавати, не приставов вам не высылати во всю волость Ноугородцкую, с Низу не всылати.
А что вам, князи великыи, гнев на владыку, и на посадника, и на тысецкого, и на весь Новъгород, то вам, князи великии, нелюбие отложити. А хто вам почнет вадити, а тому веры не няти. А про послы и про купцы ноугородцкыи, тех вам не приимати. А в Немецком дворе торговати нашеи братеи ноугородцем. А двора вам не затворяти, ни приставов не приставливати. А на том вам, князи великыи, крьст целовати ко всему Великому Ноугороду. А гостем гостити без рубежа, по цесареве грамоте. А судеи слати по волостем на Петров день, как пошло. А вывода межи Суздальскои земли и Ноугородцкои не чинити. А закладнеи вам, князи великыи, и вашим княгиням, ни вашим бояром в Торжку не держати, ни во всеи волости Ноугородцкои: а купець поидет во сто, а смерд потянет в свои потуг, как пошло, к Ноугороду.
А на том на всем, князь великыи Василеи Василиевичь и князь великыи Иван Василиевичь, целуите крест ко всему Великому Ноугороду, безо всякого извета; тако же и посадник, и тысяцкыи, и весь Великои Новъгород, целуите крест к великому князю Василию Василиевичю всея Руси, и к великому князю Ивану Василиевичу всея Руси, по любви в правду, безо всякои хитрости.
ПРИМЕЧАНИЯ
1. Здесь молодой князь Иван Васильевич (будущий великий князь Иван III) уже предстает как полноправный соправитель отца.
2. Имеется в виду великий князь Московский и Владимирский Иван Данилович Калита (ок. 1283—1340)
3. Имеется в виду великий князь Московский и Владимирский Семен Иванович Гордый (1317—1353).
4. Имеется в виду великий князь Московский и Владимирский Иван Иванович Красный (1326—1359).
5. Имеется в виду великий князь Московский и Владимирский Дмитрий Иванович Донской (1350—1389).
6. Холоп или роба иметь на господу вадити - если будет иметь место донос холопа на господина.
7. Московские князья даже в своих владениях (Низовской земле) не имеют права судить новгородца.
