ИЗ ЖИТИЯ АЛЕКСАНДРА НЕВСКОГО

Краль части Римския от полунощныя страны /…/ собра силу велику и наполни корабля многи полковъ своих и поиде в силе велице, пыхая духом ратнымъ. И преиде реку Неву, шатаяся безумием, посла послы разгордевся ко князю Александру Ярославичю в Новъ городъ въ Великий и рече: "Аще можеши ми противитися, уже есмь зде, попленю землю твою".Князь же Александр Ярославичь слышав словеса сихъ и разгоревся сердцемъ, вниде в церковь Святыя Софея и паде на колено пред олтарем и нача молитися со слезами Богу и рече: "Боже хвалный и праведный, Бог крепки и велики, Боже вечный и сотворивый небо и землю, море и реки, и постави пределы языком, и повеле жити, не преступая в чюжая части земли". И возприимъ псаломскую песнь и рече: "Суди, господи, и разсуди прю мою, суди, господи, обидящим мя и возбрани борющихся со мною, приими оружие и щитъ и стани въ помощь мне".

И скончав молитву, воставъ, поклонися архиепископу. Архиепископ же Спиридонъ благослови его и отпусти. Александръ же Ярославичь идя ис церкви, утирая слезы. И нача крепити дружину свою и рече: "Не въ силе Богъ, но въ правде. И помянемъ песнопевца Давида: сии въ оружьия, сии на конехъ, мы жъ во имя господа Бога нашего призовемъ, ти спяти быша и падоша". И поиде на ня в мале дружине, не сождавъся со многою силою своею, уповая на Святую Троицу. Жалостно слышати, яко отецъ его Ярославъ честный, великий, не бе ведал такова востаниа на сына своего милаго великаго князя Александра Ярославичя, ни оному бысть весть послати ко отцу во градъ Киевъ, уже беша приближися ратнии, и мнози ноугородцы не совокупилися бяху, понежь ускори князь велики пойти. И прииде на нихъ въ день возкресениа на память святыхъ отецъ 600 и 30 бывшаго собора въ Халкидоне и на память Святаго Кирика и Улиты и свтаго князя Владимера, крестившаго землю Рускую. Имеявше жъ веру велику ко святымъ мученикомъ Борису и Глебу. Бе некто мужъ, старейшина земли Ижерской именем Беглусичь; поручена жъ бысть ему стража утреничная морская, восприять же святое крещение и живяше посреди рода своего, погана суща, наречено бысть имя ему во святомъ крещении Филипъ. И живяще богоугодно, въ среду и въ пятокъ пребываше во алчьбе. И сподоби его Бог видети видение страшно, скажем же силу ихъ вкратце. И увиде силу ратных, идуще противъ князя Александра Ярославичя, да скажет емусилу варяжскую и станы ихъ. Стрегуще ему обоя пути, и пребысть всю нощь и виде насадъ единъ гребущь по морю, а посреди насада Борисъ и Глебъ, стояша во одеждахъ червленахъ, быста руки своя держаща на ремех. И гребцы седяху, аки мглою одени. И рече Борисъ Глебу: "Брате Глебе, вели грести, да поможемъ сроднику своему великому князю Александру Ярославичю". Видевше Пелгусиа таково видение и слыша глас таков отъ святую мученику, стояше трепетенъ. И отиде насадъ отъ очю его, и поиде скоро князь Александръ Ярославичь. Пелгусиа же виде его радостныма очима и поведа великому князю единому видениа. Князь же рече ему: "Сего не поведай никому жъ". И подщався на них наехати въ 6 часъ дни, и бысть сеча великая надъ римляны, и изби множество бесчисленое отъ нихъ и самому королеви возложи печать на лицы осстрым своим копиемъ. Зде же в полку в Олексанъдрове явишася 6 мужей храбрыхъ и силныхъ и мужествовавъ съ имъ крепко. Гаврило един, именем Алексичь. Сей наехавше на шняку видевъ королевичь мчащше подъ руце, вьзъехавъ по дозсьце до самого короля, и по нейже досце возхожаху, и востекоша предъ нимъ, и паки обращеся и свергоша его з доски и съ конемъ въ море, Божиею благодатию оттуду изыде невреженъ, и паки наехавъ, бися съ самимъ воеводою крепко среди полку.

Другий же новогородецъ, именем Збыславъ Якуновичь. Сей наехавъ многажды бьющася единымъ топоркомъ, не имеяша страха въ сердци своемъ, и паде неколико отъ топорка его. Подивишася князь Александръ Ярославичь силе его и храбрости его. Третий же Яковъ, родомъ полочянинъ, ловчей бысть у князя. Сей наехавъ на полкъ съ мечемъ и мужествовалъ и похвали его князь. Четвертый же новогородецъ, именемъ Миша. Сей пешт з дружиною своею погуби три корабли римлянъ. Пятый отъ молодых его, именем Сава. Сей наехавъ шатеръ королевъ великий златоверхий и подсече столпъ шатерный. Полцы жъ великого князя Александра Ярославичя видеша падениа шатра, воврадовашася о падение шатра того. Шестый же отъ слугъ его, именем Ратмиръ. Сей бысть пешь, и оступиша его мнози, и отъ многихъ ранъ паде и скончася. Сии же вся слышавъ отъ господина своего князя Александра Ярославичя и отъ иныхъ же — въ то время обретошася въ той же сечи. Бысть же въ т время чюдо дивно, якоже во древняя дни при Езикеи цари, егда прииде Сенахеримъ, асирийский царь, на Иерусалимъ, хотя пленити святый градъ Ерусолимъ, и внезапу изыйде ангилъ господень и изби отъ полку асирийска 100 тысящь, 80 тысящ 600. И восташа заутро, и обретошася трупие мертва. Такожде и при победе и князя Александра Ярославичя, егда победи корабля, обонъ полъ реки Ижеры, идеже не бе проходно полкомъ Александровымъ, зде же обретошася вся трупие мертва отъ арханьила Божия, и останокъ побеже, а трупие мертвых своих наметаша корабля и потопиша въ мори. Князь же Александръ Ярославичь возвратися съ победы, хваля Бога и славя своего творца., отца и сына и святаго духа, и ныне и присно и во веки векомъ. Аминь.

Во второе жъ лето по возвращение ис победы князя Александра Ярославичя прийдоша отъ западныя страны и возгради градъ (каменный замок в Копорье. – В.А.) во отечествии Александрове. Великий жъ князь Александръ Ярославичь изыде на ня вскоре, изверже градъ изо основаниа, а самихъ избиша, иныхъ съ собою приведе, а иныхъ помилова и отпусти, бе бо милостивъ паче меры. По победе же Александрове, егда победи короля, въ третии жъ годъ, въ зимнее время, пойде на землю Немецкую съ силе велице, да не хвалятся, рекуще: "Укоримъ словенский языкъ". Уже бо взятъ градъ Псковъ, и тиуни у них посажени. Тех же князь великий Александръ Ярославичь изима и градъ Псковъ свободи отъ плена, и землю их повоева и позже и полона взя безъ числап, иных посече, а инии вл градъ совокупишася и реша: "Победимъ князя Александра Ярославичя и имемъ его рукама". Егда приближишася ратнии, и почюша стражи великаго князя Александра Ярославичя. Князь же Александръ ополчився пойде противу ратнымъ, и наступиша море Чюдское. Бысть же обоихъ множество. Отецъ же его Ярославъ послалъ бе ему на помощь брата меншаго князя Андрея во множе дружине. Тако и у князя Александра множество храбрыхъ мужъ, якожь древле у царя Давида, крепцыи, сильнии, тако жъ и мужи Александровы исполнишася духа ратна: бяху сердца ихъ, аки львомъ, и рекоша: "О княже нашъ честный, драгий, ныне приспе время нам положити главы своя за тя". Князь же Александръ Ярославичь воздевъ руце на небо и рече: "Суди, господи, и разсуди прю мою, от языка велиречива избави мя, помози ми, господи, якоже Моисею на Амалика древле и прадеду моему Ярославу на акаянного Святополка". Бе же тогда день суботный, восходящу солнце, сступишася обои, и бысть сеча зла и трускъ отъ копей и ломление и звукъ отъ мечнаго сечениа, якожь морю мерзшу двигнутися; не бе видети леду, покрылося бяше кровию. Се же слышавъ от самовидца, рече: видехомъ полкъ Божий на воздусе, пришедши на помощь Александру Ярославичю. И победи я помощью Божиею, и въдаша ратнии плещи своа. Они же сечахуть и гонящи, яко по яйеру, не бе им ками убежати. Зде же Богъ прослави великаго князя Александра Ярославичя пред всеми полки, яко Исуса Навина во Ерихоне. А иж рек: "Имамъ руками великаго князя Александра Ярославичя", сего дастъ ему Богъ въ руце его. И не обретеся никто жъ, противяся ему во брани. И возвратився князь АлександрЪ Ярославичь съ победы съ славою великою. Бысть много множество полону въ полку его, ведяху подле коний, ижъ именуетца рыдели.

Егда прииде князь Александръ Ярославичь ко граду Аскову, и сретоша его со кресты игумены и попове в ризахъ, народъ многъ предъ градомъ, подавающе хвалу Богови, поюще песнь и славу государю, великому князю Александру Ярославичю: "Пособивый, Господи, кроткому Давиду победити иноплеменники и верному князю нашему Александру оружиемъ крестнымъ свободити градъ Псковъ отъ иноязычныхъ рукою Александровою". О невегласи плесковичи, аще забудете князя Александра и мужи новгородцовъ и до правнучатъ Александровыхъ, уподобитеся жыдовомъ, ихъ же Господь препите въ пустыни манною и крастельми печеными, сихъ всехъ забыша Бога своего, изведшаго ихъ отъ работы изъ Египта. И начаша слышати имя великаго князя Александра Ярославичя по всемъ странамъ и до моря Египетского и до горъ Аравитскихъ, обону страну Варяжьскаго и до Рима.

Въ то время умножися языкъ литовьски, и начаша пакостити во обладание Александровы. Ездя нача избивати. Единою жъ случися ему выехати и поби 7 полковъ ратныхъ и множество князей и воеводъ изби, овии рукама изима; слугы же его, ругающеся, вязаху я к хвостомъ коний своихъ. И начаша боятися имени его. Въста въ то время некто царь силенъ на восточной стране, и покори ему Богъ многи языки и отъ востока и до запада. Той же слышавъ князя Александра Ярославичя храбра и славна, и посла къ нему послы рекуще: "Александро, веси ли , Богъ покори мне многия языки, ты ли единъ не хощеши покоритися силе моей, но аще хощеши съблюсти землю свою, то скоро прииде ко мне и узриши честь царьства моего". Князь же Александръ Яросавичь, по умертвии отца своего, прииде въ Володимеръ въ силе велице, и бысть грозенъ приездъ его. Проиде весть до усть Волги, и начаша жены моявидскиа полошати (пугать. – В.А.) дети своя, рекуще: "Едетъ князь Александръ, и благослови его Кирилъ епискупъ, поиде къ цареви. И видевъ его царь Батый и подивися и рече веможамъ своим: "Во истину ми поведаа, несть, подобна ему князя во отечествии его". И отпусти его съ веикою честью.

Потомъ же царь Батый разгневася на брата его на меншаго, на князя Ондрея, и посла на него воеводу своего Невруя, и повоева зем лю Суждальскую. По пленении же Невруеви князь велики Александръ Ярославичь церькви воздвигнувъ и градъ испонивъ и юди распуженныя сора въ домы своя. О таковых Исаия пророк рече: "Князь благъ во странах техъ, уветливъ, кротокъ, смиренъ, по оразу Божию есть, не избираетъ богатества, не зря кровь праведничи, сироте и вдовице въ правду судя, миостийлюбецъ, благъ домочадцомъ своимъ и внешнимъ странамъ, сиротамъ кормитель, богомоленъ, ангеомъ любителю, чеовекомъ щедре ущедряетъ, показуетъ на мире милость свою. Распространи Богъ землю его огатествомъ и славою и должи Богъ лето его".

Иногда же приидоша послы отъ папы изъ великаго Рима, глагола князю Александру Ярославичю: "Папа рече, слышахомъ тя князя честна и дивна, и земля твоя славна и велика. Сего ради послахъ къ тебе от 12 кардилуану две хитрейшаа –Гаадада и Гемондада, послушаеши учения ею о законе Божии". Великий жъ князь Александръ Ярославичь здума съ хитрецы своими и восписа къ нему, рекъ: "От Адама до потопа и до разделениа языкъ и до начала Аврама, от Аврама и до призытиа Иизраиля сквозе Чермное море, отъ исхода сынов Иизраилевъ до умертвия Давида царя, отъ начала царства Соломаня до Августа и до рожества Христова, до страсти и воскресениа, отъ воскресениа и на небеса вшествия и до царьства Констянтина новаго, до перваго собора и до седьмаго, си вся добре сведаемъ, а отъ васъ учения не приимаемъ". Они же возвратишася восвояси.

Великому жъ князю Александру Ярославичю умножися дни житиа его. Бе иереилюбец, митрополита жь епископы чтяше аки самого Творца. Бе бо тогда нужда велика отъ поганыхъ веляху людемъ съ собою воинствовати. Великий же князь Александръ Ярославичь пойде къ цареви, дабы отмолилъ люди отъ беды, а брата своего меншаго Ярослава и сына своего Дмитрея посла съ новогородцы на западныя страны и вся полки съ ними отпусти. Пойде жъ Ярославъ съ сыновцемъ своимъ в силе велице и плениша градъ Юрьев Немецкий и возвратишася восвояси со многим полоном и с великою честью. Великий жъ князь Александръ Ярославичь взыйде от иноплеменникъ до Нова города до Нижнего и ту пребы дни мало здрав, дошедъ Городца и разболеся. О горе тебе, бедный человече, како можеши написати кончину господина своего, како не испадета ти зеницу со слезами вкупе! Како ли не разседеся сердце отъ горкиа тугы! Отца бо человекъ можетъ забыти, а добраго государя не можетъ забыти, аще бы живъ с нимъ во гробе влезлъ…

Древняя русская литература. М., 1980. С. 118-123.